Кафедраи психологияи факултети фалсафаи Донишгоҳи миллии Тоҷикистон тасмим гирифтааст, ки санаи 14-уми майи соли 2025 конференсияи ҷумҳуриявии илмию назариявиро дар мавзуи «Масоили мубрами психологияи оила ва муносибатҳои оилавӣ» баргузор намояд.
Дар конференсия масоили зерин баррасӣ мешаванд:
- нақши оила дар бунёди ҷомеаи демократӣ, ҳуқуқбунёд ва дунявӣ;
- оила-асоси пойдории ҷомеа;
- ҷанбаҳои психологии омодагии ҷавонон ба ҳаёти оилавӣ;
- оила бидуни зуроварӣ;
- оила ва рушди шахсияти фарзандон;
- хадамоти психологӣ ба оила: вазъият ва дурнамо;
- ҷанбаҳои психологии никоҳ ва талоқ;
- танзими муносибатҳои оилавӣ дар оилаи муосир.
Талабот нисбати маърӯзаҳое, ки барои нашр пешниҳод мегарданд
Матнҳои ирсолшуда бояд таҳрир ва ба талаботҳои техникии зерин ҷавобгӯй бошанд:
– саҳифаи А4, ҳошияҳо аз тарафи чап 3 см, аз тарафи рост 1,5 см, боло ва поён 2 см;
– ҳуруфи шакли Times New Roman, Times New Roman Тj бо андозаи 14;
– сатри якум – номи маърӯза БО ҲАРФҲОИ КАЛОН бо баробаркунии матн дар байни саҳифа;
– сатри дуюм – насаби муаллиф, ҳарфи аввали ном ва номи падар, бобаробаркунии матн дар байни саҳифа;
– сатри сеюм – номи муассисаи ҷои кори асосӣ (таҳсил) бобаробаркунии матн дар байни саҳифа;
– матни маърӯза бояд дар таҳриргари матнии MS Word ҳуруфчинӣ шуда, фосилаи байни сатрӣ 1.5, баробаркунии матн бо паҳноии саҳифа, истифодаи ҳиҷобандии калимаҳо мумкин нест;
– ҳаҷми матн бо формула, расм, ҷадвал, рӯйхати адабиёт, аннотатсия ва калидвожаҳо аз 8 то 10 саҳифа (Формулаҳо бояд дар таҳриргари «Формула» сохта шаванд);
– ишора ба адабиёти истифодашуда дар матн ҳатмӣ буда, ба таври [3, с.25] омода карда мешавад, ки дар он рақами аввал рақами тартибии сарчашма дар рӯйхати адабиёт ва рақами дуввум саҳифаи он мебошад;
– рӯйхати адабиёт дар охири матн баъд аз калимаи «АДАБИЁТ» овардашуда, бо тартиби алифбо омода карда мешавад;
– баъди рӯйхати адабиёт бояд номи маърӯза, аннотатсия ва калидвожаҳо бо забонҳои тоҷикӣ, русӣ ва англисӣ оварда шаванд (бо андозаи 14);
– дар охир маълумот дар бораи муаллиф – насаб, ном ва номи падар пурра, дараҷаи илмӣ, унвони илмӣ, вазифа, ҷойи таҳсил, почтаи электронӣ ва рақами телефон бо баробаркунии матн бо паҳноии саҳифа (бо забонҳои тоҷикӣ, русӣ ва англисӣ).
Дархост барои иштирок ва матни маърӯза бояд то санаи 1-уми майи соли 2025 ба Кумитаи тадорукот супорида шавад.
Забони конференсия: тоҷикӣ ва русӣ.
Кумитаи тадорукоти конференсия ҳуқуқи таҳрири техникиро дошта, метавонад маърӯзаҳоеро, ки ба мавзуъ мувофиқ нестанд ва ё бе риояи талаботи техникии пешниҳодгардида омода карда шудаанд, ба муаллифон бармегардонад. Маърӯзаҳое ба чоп пешниҳод мешаванд, ки дараҷаи аслияти матни онҳо на кам аз 70% бошанд.
Маводи конференсия нашр мешавад ва ба РИНС ҷойгир мегарданд.
Хароҷоти рафту омад ва зист ба зимаи иштирокчиён аст.
Суроғаи мо: Ҷумҳурии Тоҷикистон, шаҳри Душанбе, маҳаллаи Буни Ҳисорак, шаҳраки донишҷӯён, бинои таълимии факултети фалсафаи Донишгоҳи миллии Тоҷикистон.
Телефон: +992 901 11 55 61; +992 881 88 80 82; Почтаи электронӣ: qb_1701@lisl.ru
