Кафедраи методикаи таълими забон ва адабиёти русии факултети филологияи руси Донишгоҳи миллии Тоҷикистон тасмим гирифтааст, ки санаи 16-уми сентябри соли 2025 конференсияи ҷумҳуриявии илмию назариявиро дар мавзуи «Методикаи таълими забон ва адабиёти рус дар ҷаҳони муосир» баргузор намояд.
Дар конференсия масоили зерин баррасӣ мешаванд:
- нақши забони русӣ дар рушд, ташаккул ва густариши фарҳанги миллатҳои гуногун дар Ҷумҳурии Тоҷикистон;
- вазъият ва дурнамои таълими забони русӣ дар Ҷумҳурии Тоҷикистон;
- забони русӣ ҳамчун воситаи муоширати байни миллатҳо дар шароити муосир;
- истифодаи технологияи муосир дар омӯзишизабон ва адабиёти рус;
- роҳҳои баланд бардоштани сифати таълими забон ва адабиёти рус;
- забони русӣ ҳамчун забони муоширати илмӣ ва касбӣ;
- мушкилоти усули таълими забон ва адабиёти рус ҳамчун забони хориҷ;
- тамоюлҳои муосири методикаи таълими забон ва адабиёти рус;
- тарҷума ҳамчун яке аз муҳимтарин соҳаҳои забоншиносӣ;
- масъалаҳои забоншиносии қиёсӣ ва муқоисавӣ.
Талабот барои маърузаҳои ба чоп пешниҳодшаванда
Матнҳои ирсолшуда бояд таҳрир ва ба талаботҳои техникии зерин ҷавобгӯй бошанд:
– саҳифаи А4, ҳошияҳо аз тарафичап 3 см, аз тарафи рост1,5 см, боло ва поён 2см;
– ҳуруфи шакли Times New Roman, Times New Roman Тj боандозаи – 14;
– сатри якум – номи маъруза БО ҲАРФҲОИ КАЛОН бо баробаркунии матн дар байни саҳифа;
-сатри дуюм – насаби муаллиф, ҳарфи аввали ном ва номи падар, бо баробаркунии матн дар байни саҳифа;
– сатри сеюм – номи муассисаи ҷойи кори асосӣ (таҳсил) бо баробаркунии матн дар байни саҳифа;
– матни маъруза бояд дар таҳриргари матнии MS Word ҳуруфчинӣ шуда, фосилаи байнисатрӣ – 1,5, баробаркунии матн бо паҳноии саҳифа, истифодаи ҳиҷобандии калимаҳо мумкин нест;
– ҳаҷми матни маъруза бо формула, расм, ҷадвал, рӯйхати адабиёт, аннотатсия ва калидвожаҳо набояд аз 6 саҳифа зиёд бошад;
– ишора ба адабиёти истифодашуда дар матн ҳатмӣ буда, ба таври [3, с.25] омода карда мешавад, ки дар он рақами аввал рақами тартибии сарчашма дар рӯйхати адабиёт ва рақами дувум саҳифаи он мебошад;
– рӯйхати адабиёт дар охири матн баъд аз калимаи «АДАБИЁТ» оварда шуда, бо тартиби алифбо омода карда мешавад;
-баъди рӯйхати адабиёт бояд номи маъруза, аннотатсия ва калидвожаҳо бо забонҳои тоҷикӣ, русӣ ва англисӣ оварда шаванд (бо андозаи 14);
– дар охир маълумот дар бораи муаллиф – насаб, ном ва номи падар пурра, дараҷаи илмӣ, унвони илмӣ, вазифа (таҳсил) ва рақами телефон бо баробаркунии матн бо паҳноии саҳифа (бо забонҳои тоҷикӣ, русӣ ва англисӣ);
Дархост барои иштирок ва матни маъруза бояд то санаи 1-уми майи соли 2025 ба кумитаи тадорукот супорида шавад.
Забони конференсия: тоҷикӣ ва русӣ.
Кумитаи тадорукоти конференсия ҳуқуқи таҳрири техникиро дошта, метавонад маърузаҳоеро, ки ба мавзуъ мувофиқ нестанд ва ё бе риояи талаботи техникии пешниҳодгардида омода карда шудаанд, ба муаллифон баргардонад. Маърузаҳое ба чоп пешниҳод мешаванд, ки дараҷаи нотакрории матни онҳо на кам аз 70% бошанд.
Маводди конференсия нашр мешавад.
Хароҷоти рафту омад ва зист ба зиммаи иштирокчиён аст.
Суроғаи мо: Ҷумҳурии Тоҷикистон, шаҳри Душанбе, маҳаллаи Буни Ҳисорак, Шаҳраки донишҷӯён, бинои №10, факултетифилологияи руси Донишгоҳи миллии Тоҷикистон.
Телефон: +992 988 50 10 13; +992 919 82 14 38. Почтаи электронӣ: abdulloeva.64@mail.ru
