Кафедраи географияи иқтисодӣ ва сайёҳии факултети молиявию иқтисодии Донишгоҳи миллии Тоҷикистон тасмим гирифтааст, ки санаи 23-юми сентябри соли 2025 конфренсияи ҷумҳуриявии илмию амалиро дар мавзуи «Масоили мубрами рушди соҳаи туризм дар шароити муосир» баргузор намояд.
Масъалаҳои зерин мавриди баррасӣ қарор мегиранд:
- таъсири рақамикунонии иқтисодиёт ба соҳаи туризм;
- таҳлили таъсири глобализатсия ва равандҳои ҷаҳонӣ ба соҳаи туризм;
- масоили устувории экологӣ дар туризм ва роҳҳои коҳиш додани таъсири манфии он ба муҳити зист;
- тағйироти иқлим ва таъсири он ба соҳаи туризм;
- рушди ҳамкориҳои минтақавӣ ва байналмилалӣ: роҳҳои ба бозорҳои ҷаҳонӣ баромадани истеҳсолкунандагони хидматҳои туризми Тоҷикистон;
- истифодаи технологияҳои нави иттилоотӣ дар соҳаи туризм;
- технологияи нав ва ҷаҳони рақамӣ дар туризм.
Талабот нисбати маърузаҳои барои чоп пешниҳодшаванда
Матнҳои ирсолшуда бояд таҳрир ва ба талаботҳои техникии зерин ҷавобгӯй бошанд:
– саҳифаи А4, ҳошияҳо аз тарафи чап 3 см, аз тарафи рост 1,5 см, боло ва поён 2 см;
– ҳуруфи шакли Times New Roman, Times New Roman Тj бо андозаи 14;
– сатри якум – номи маъруза БО ҲАРФҲОИ КАЛОН бо баробаркунии матн дар байни саҳифа;
– сатри дуюм – насаби муаллиф, ҳарфи аввали ном ва номи падар, бо баробаркунии матн дар байни саҳифа;
– сатри сеюм – номи муассисаи ҷои кори асосӣ (таҳсил) бо баробаркунии матн дар байни саҳифа;
– матни маъруза бояд дар таҳриргари матнии MS Word ҳуруфчинӣ шуда, фосилаи байнисатрӣ – 1.5, баробаркунии матн бо паҳноии саҳифа, истифодаи ҳиҷобандии калимаҳо мумкин нест;
– ҳаҷми матни маъруза бо формула, расм, ҷадвал, рӯйхати адабиёт, аннотатсия ва калидвожаҳо набояд аз 6 саҳифа зиёд бошад (Формулаҳо бояд дар таҳриргари «Формула» сохта шаванд);
– ишора ба адабиёти истифодашуда дар матн ҳатмӣ буда, ба таври [3, с.25; 5, с.33-36] омода карда мешавад, ки дар он рақами аввал рақами тартибии сарчашма дар рӯйхати адабиёт ва рақами дуввум саҳифаи он мебошад;
– рӯйхати адабиёт дар охири матн баъд аз калимаи «АДАБИЁТ» оварда шуда, бо тартиби алифбо омода карда мешавад;
– баъди рӯйхати адабиёт бояд номи маърӯза, аннотатсия ва калидвожаҳо бо забонҳои тоҷикӣ, русӣ ва англисӣ оварда шаванд (бо андозаи 14);
– дар охир маълумот дар бораи муаллиф – насаб, ном ва номи падар пурра, дараҷаи илмӣ, унвони илмӣ, вазифа (таҳсил) ва рақами телефон бо баробаркунии матн бо паҳноии саҳифа (бо забони маърӯзаи пешниҳодшуда);
Дархост барои иштирок ва матни маъруза бояд то санаи 30-уми июни соли 2025 ба Кумитаи тадорукот супорида шавад.
Забони конференсия: тоҷикӣ ва русӣ.
Кумитаи тадорукоти конференсия ҳуқуқи таҳрири техникиро дошта, метавонад маърузаҳоеро, ки ба мавзуъ мувофиқ нестанд ва ё бе риояи талаботи техникии пешниҳодгардида омода карда шудаанд, ба муаллифон баргардонад. Маърӯзаҳое ба чоп пешниҳод мешаванд, ки дараҷаи нотакрории матни онҳо на кам аз 70% бошанд.
Маводи конференсия нашр мешавад.
Хароҷоти рафту омад ва зист ба зимаи иштирокчиён аст.
Суроғаи мо: Ҷумҳурии Тоҷикистон, шаҳри Душанбе, маҳаллаи Буни Ҳисорак, Шаҳраки донишҷӯён, бинои №8, факултети молиявию иқтисодии Донишгоҳи миллии Тоҷикистон.
Телефон: +992 939 41 30 20; +992 006 55 05 14. Почтаи электронӣ: fezilobek@mail.ru
