(23 ҶОЙИ ИФТИХОРӢ ВА МАҚОМИ АВВАЛ — НАТИҶАИ БАЛАНДИ ДОНИШГОҲИ МИЛЛӢ)
Санаи (03.06.2026) бо ибтикори мақомоти иҷроияи ҳокимияти давлатии ноҳияи Шомансури шаҳри Душанбе даври ноҳиявии озмуни ҷумҳуриявии «Фурӯғи субҳи доноӣ китоб аст” дар фазои тантанавӣ ҷамъбаст гардид.
Чорабиниро масъулини ноҳияи Шоҳмансури шаҳри Душанбе ифтитоҳ намуда, таъкид карданд, ки озмуни ҷумҳуриявии «Фурӯғи субҳи доноӣ китоб аст» таҳти сарпарастии Пешвои миллат муҳтарам Эмомалӣ Раҳмон роҳандозӣ гардида, дар таҳкими худшиносии миллӣ ва рушди маънавиёти ҷомеа нақши муҳим дорад.
Таъкид гардид, ки озмуни «Фурӯғи субҳи доноӣ китоб аст» миёни тарбиятгирандагону хонандагони муассисаҳои таҳсилоти томактабӣ ва миёнаи умумӣ, донишҷӯёни муассисаҳои таҳсилоти ибтидоӣ, миёна ва олии касбӣ, баъд аз муассисаҳои таҳсилоти касбӣ (магистрҳо, аспирантҳо, докторантҳо), калонсолон ва намояндагони касбу кори гуногун бо мақсади баланд бардоштани завқи китобхонӣ, тақвияти нерӯи зеҳнӣ, дарёфти чеҳраҳои нави суханвару сухандон, арҷ гузоштан ба арзишҳои миллию фарҳангӣ инкишофи қобилияти эҷодӣ, таҳкими эҳсоси худшиносию худогоҳӣ, такмили захираи луғавӣ, тақвияти ҷаҳони маънавӣ дар сатҳи баланди ташкилӣ доир карда шуд.
Довталабон дар бахшҳои озмун аз рӯи номинатсияҳои “Хондан ва аз ёд кардани осори адибони классики тоҷик”, “Хондан ва аз ёд кардани осори адибони муосири тоҷик”, “Хондан ва аз ёд кардани адабиёти кӯдакону наврасон ва осори шифоҳӣ”, “Хондан ва аз ёд кардани осори адабиёти ҷаҳон” байни худ рақобат намуда, ғолибони даври ноҳиявӣ ба даври шаҳрии озмун роҳхат гирифтанд.
Дастаи Донишгоҳи миллӣ – устодону донишҷӯён ва хонандагони Литсейи равияи табиию риёзии Донишгоҳ аз рӯйи наминатсияҳои номбаршуда иштирок намуда, бо гирифтани 23 ҷойи ифтихорӣ: 3 ҷойи якум, 9 ҷойи дуюм ва 11 ҷойи сеюм миёни дастаҳо сазовори ҷойи аввал гардиданд.
Дар маросими супоридани диплому туҳфаҳо ба ғолибон ва иштирокчиёни озмун намояндагони Мақомоти иҷроияи ҳокимияти давлатии ноҳияи Шоҳмансури шаҳри Душанбе, Раёсати маорифи ноҳия, олимону донишмандон ва дигар меҳмонону масъулон иштирок намуданд.
Ёдовар мешавем, ки дар ҷараёни чорабинӣ аз ҷониби Кумитаи тадорукот роҳбарони иштирокчиён бо «Сипоснома» ва мукофотпулӣ, инчунин, намояндагони муассисаҳои таҳсилоти миёнаи умумӣ ва олӣ бо «Сипоснома»-и Мақомоти иҷроияи маҳаллии ҳокимияти давлатӣ дар ноҳияи Шоҳмансур қадрдонӣ шуданд.
