Донишҷӯён омӯзиши низоми ҳарбиро идома медиҳанд. Дар кафедраи ҳарбии Донишгоҳи миллии Тоҷикистон донишҷӯён асосҳои низоми ҳарбиро меомӯзанд. Албатта, дар соли аввал омӯзиш то андозае душвор аст, вале шавқу рағбати донишҷӯён ба фанни ҳарбӣ боиси ифтихор ва нишондиҳандаи эҳсоси ватандӯстии онҳо мебошад. Иштироки фаъолонаи онҳо дар машғулиятҳо падидаи нек ба шумор меравад, зеро донишҷӯён тадриҷан ба интизом, масъулият ва ҳамкории гурӯҳӣ одат мекунанд.
