Раёсати кадрҳо ва корҳои махсус

Раёсати кадрҳо ва корҳои махсуси ДМТ ҳамчун воҳиди мустақили донишгоҳ буда, фаъолияти худро тибқи Низомномаи Донишгоҳи миллии Тоҷикистон анҷом медиҳад. Раёсат барои таҳия, татбиқи сиёсати кадрӣ ва ташкили фаъолияти меҳнатии кормандон масъул аст ва роҳбари он танҳо ба ректори донишгоҳ тобеъ аст.

Фаъолияти раёсат, инчунин, ба таъмини вазифаҳои зерин нигаронида шудааст: мутобиқати касбӣ, муайян кардани талабот ва банақшагирии масъалаҳои кадрӣ, таҳияи муқаррарот барои ишғоли вазифаҳо ва ҷойҳои кори холӣ, иҷрои вазифаҳои касбии кормандони нав, тағирот дар ҳайати шахсӣ, интихоби кадрҳои баландихтисос, таҳия ва пешниҳод намудани лоиҳаи фармоишҳо барои ишғоли вазифаҳои профессор, омӯзгор ва роҳбар, ҳамзамон, танзими интизоми меҳнат.

Раёсати мазкур соли 1948 таъсис ёфтааст, ки аввалин роҳбари он Иванов Ф.Н. буд.

Айни ҳол раёсат аз бахшҳои зерин иборат аст: шуъбаи кадри донишҷӯён, бойгонӣ ва бахши дипломҳо. Сардори Раёсати кадрҳо ва корҳои махсус (РК ва КМ)-и ДМТ Тавқиев Э.Ш. мебошад.