Ҷалби рӯзноманигорон ба шабакаҳои телевизион ва радио

209

Хатмкунандагони боҳунар ва хушзавқи факултети журналистикаи Донишгоҳи миллии Тоҷикистон ба шабакаҳои телевизион ва радио бидуни озмун бо роҳхати факултет ба кор қабул карда мешавад. Ин нуктаро санаи 31-уми марти соли ҷорӣ раиси Кумитаи телевизион ва радиои назди Ҳукумати Ҷумҳурии Тоҷикистон Нуриддин Саид дар вохӯрӣ бо хатмкунандагони факултети журналистикаи ДМТ иброз намуд.

Мақсад аз ин вохӯрӣ ба ҷойи кор таъмин намудани хатмкунандагони факултети мазкур дар шабакаҳои телевизион ва радиоҳои давлатӣ мебошад.

Дар охир қайд карда шуд, ки ҷиҳати тарбия намудани журналистони касбӣ Кумита бо факултети журналистика ҳамкориро вусъат хоҳад дод.