Имрӯз масъулин ва донишҷӯдухтарони Донишгоҳи миллии Тоҷикистон бо эҳсоси баланди ватандӯстӣ ва арҷгузорӣ ба фарҳанги миллӣ дар Фестивал-намоишгоҳи либоси миллӣ таҳти унвони “Ганҷинаи мерос”, ки дар Боғи фарҳангию фароғатии ба номи устод Садриддин Айнӣ баргузор гардид, фаъолона иштирок намуданд. Ҳадаф аз он тарғибу ташвиқи арзишҳои фарҳанги миллӣ, махсусан либоси миллӣ, баланд бардоштани ҳисси ифтихори миллӣ ва муаррифии анъанаҳои нек буд.
